Mpandray anjara: Ireo mpilasy

Nanambatra ny sary : Rolls Rafam.

Tontosa soamantsara ny lasy tsimoka nokendrena andraisan'ireo zaza malagasy mipetraka aty ivelany anjara. Ny tanjona dia ny ampahalala bebe kokoa ny fomba fiainana any Madagasikara, ny fahalalana ny Nosy malalantsika, izany dia nohezahina handrakotra ny lafiny rehetra.Natao koa ilay izy ahafahan'ireo zaza ireo manana fototra amin'ny fiaviana.
Maro ny fandaharana notontosaina. Tsy ho ary voatanisa eto daholo izy rehetra. Sary vitsivitsy ireto hampisehoana ny endrika sy hetsika nitranga nandritry ny Lasy.
Tsy ho voatanisa koa ireo fianarana voaray tamin'iny fotoana iny. Manolotra resaka nifanaovako tamin'ny zanako aho:

• Nanao saina malagasy ny zanako iray, mipetaka amin'ny rindrina izy io. Nony avy niverina tany amin'ny Lasy dia hitany fa mivadika ilay maintso sy mena. Tsy tratra izy fa namadika ilay saina ary nilaza tamiko fa diso no nametrahany azy.
• Hoy ny iray indray: Hataovy amiko ilay "Nakaiza ny tanteliko teto"
• "I miss Lasy Tsimoka Daddy!" iray volana taty aoriana io. Ny hira malagasy moa dia miverimberina.
• Tsy mitsahatra ny miresaka lasy Tsimoka izahay rehefa misy fotoana.
• Alohan'ny nametrahako an'ity topy internety ity dia mihira ny "Ry Tanindrazanay malala O!" ny ankizy ato an-trano.